أحمد العوضى : أنا بطل شعبي !!

كشف الفنان أحمد العوضي عن سبب تقديمه أعمال التيمة الشعبية، وعن كواليس إصابته أثناء تصويره مشهد الحريق في مسلسل "حق عرب"، الذي يعرض ضمن الماراثون الرمضاني الحالي.

وقال العوضي: "الخديوي والكوماندا والإسكندراني كسّروا الدنيا، و"حق عرب" جايب أعلى مشاهدات... أنا مصنّف بطل شعبي وأكشن فلو عملت نفس القصص بالظبط الناس مش هتتفرج عليا، لكن أنا بعمل قصة مختلفة، لكن التيمة الشعبية متشابهة".

وأضاف العوضي: "الممثل ذا روك مثلاً... لو دخلت فيلم سينما ليه وملقتهوش بيضرب ولا ضربة، هقول فين الموضوع؟ أنا دخلت لك ليه؟ وأنا مصنف بطل شعبي وبطل أكشن فلازم أدّيلك التيمة اللي الجمهور بيحبها".

وعن كواليس إصابته خلال تصويره مشهد الحريق في مسلسل "حق عرب"، قال العوضي: "كان المفروض داخل أطفّي الحريقة فشمّيت أول أكسيد الكربون كتير فجالي التهاب في الشعب الهوائية، وكان التهاب شديد وصدري قفل ودخلت المستشفى قعدت ثلاثة أيام، بس الحمد لله انبسطت بحب وخوف الناس عليا".