خناقة جديدة بين ابراهيم سعيد وشكابالا على الهواء.. ماالقصة؟!

شن إبراهيم سعيد نجم النادي الأهلي ومنتخب مصر السابق هجوما عنيفا على قائد الفريق الكروي الأول بنادي الزمالك محمود عبدالرازق شيكابالا بسبب موقفه لحظة تسلم كأس البطولة الكونفيدرالية.

وتوج الفريق الكروي الأول بنادي الزمالك بلقب كأس الكونفدرالية عقب فوزه على نظيره نهضة بركان المغربي بهدف للاشيء في مباراة العودة التي جمعت بين الفريقين مساء أمس.

 وقال إبراهيم سعيد في فيديو نشره عبر حسابه الشخصي على منصة إكس تويتر سابقًا: «في الكرة لازم أعرف إزاي احترم زميلي احترم لاعيبتي اللي واقف معذبها أخد الكاس واروح للفرقة بتاعتي واتصور معاهم مش اروح لابني والعب معاه وسايب زمايلي واقفين متذنبين».

وتابع إبراهيم سعيد: «كابتن فريق الزمالك اللي كان في المباراة عمر جابر أنت مذنبه، مستر جوميز مذنبه الناس مش واخدة بطولة قارية وأنا واقف ألعب مع ابني، بعد المباراة ما تخلص والاحتفالات أبقى اخد الكاس وأروح العب مع ابني في البيت».

وأوضح نجم الأهلي السابق: «أنت واقف عايز تاخد اللقطة ده أنت حتى سبت أبنك والناس أكثر من 50 واحد حواليا طب ابنك ده يتعور، ده حتى الولد بصيت عليه لقيته بيعيط وبيدمع بسبب إني مفيش دماغ ومش بفكر غير في نفسي كان ممكن لا قدر الله يتأذي وحد يدوس عليه أو يخبطه لو حصل تدافع للناس على الكاس».

واختتم إبراهيم سعيد: «موضوع الاطفال ده يا جماعة ابعدوه ياريت، فيه فرقة كاملة وجهاز فني حقهم يقفوا يتصورا بالكاس ويفرحوا».