ماجد الكدواني يكشف أسرارا مثيرة في حياة كريم عبد العزيز بمناسبة عيد ميلاده ..ماذا قال؟

يحتفل الفنان كريم عبد العزيز، بعيد ميلاده الـ 48، بدأت رحلته الفنية بفيلم «المشبوه» الذي كان بمثابة انطلاقة قوية له، ثم تدرج في أداء أدوار متنوعة ليصل إلى بطولة مسلسل الحشاشين، أصبح أيقونة من أيقونات الفن المصري، وبأسلوبه المميز وقدرته على تجسيد الشخصيات بأكثر من شكل، استطاع أن يبني قاعدة جماهيرية عريضة. تحدث الفنان ماجد الكدواني عن الفنان كريم عبد العزيز والصداقة الكبيرة بينهما التي بدأت قبل 24 عاما، وأنه يحبه كثيرا ومهما حدث بينهما يسامحه.  وقال ماجد الكدواني خلال حواره مع الإعلامي عمرو أديب في برنامج "بيج تايم بودكاست" المذاع عبر قناة MBC: "صداقتنا عمرها 24 سنة من سنة 2000 والحمد لله مفيش بينا مشاكل، ربنا يديمها نعمة ويبعد عننا العين إنسان جميل وصافي، إحنا شفنا وعدينا بتجارب وظروف كتير". وتابع ماجد الكدواني: "كريم عبد العزيز لو في يوم اتنرفز وزعل وقلع الجزمة وضربني بيها هسامحه، يعلم ربنا أنا لو عمل فيا إيه لا يمكن أزعل إلا ده، إحنا بنحب بعض بجد بنغلط ونتعاتب ونتصالح ومحدش يبقى ماسك على حد حاجة، إحنا أصحاب برا المهنة بنتكلم عن الحياة". وكشف ماجد الكدواني عن أكثر شيء يحبه في كريم عبد العزيز: "اللي بيعجبني في كريم عبد العزيز الأمانة والمصداقية اللي من القلب للقلب، إحنا لما بنقعد نتكلم مع بعض يقولي هي الناس بقت عامله كده ليه وليه شكلنا غريب قدام الناس هو ليه اتنين بيحبوا بعض يبقوا غريبين، في مرة اتكلمنا 8 ساعات، بنبقى محتاجين نتكلم مع بعض جعانين مصداقية، أكلم شخص من غير حساب أبقى قدامك صافي لا أنا ولا إنت هنمسك على بعض حاجة".أخبار متعلقة