سلمى صباحى: تخيلوا مصر هتبقى عاملة إزاى لما يكون حمدين رئيسا والسيسى قائد الجيش

كتب..مي عادل

 أكدت الإعلامية سلمى صباحى، أن حمدين صباحى، زعيم التيار الشعبى، رجل وطني مناضل خاض طول عمره معارك ضد الفساد والاستبداد.

وقالت سلمى فى تدوينة لها على "فيس بوك": "تخيلوا كده مصر هتبقى عاملة ازاي لما يكون حمدين صباحي رئيس والسيسي قائد الجيش.. حمدين رجل وطني مناضل خاض معارك طول عمره ضد الفساد والاستبداد.. رجل ما بيخافش، منتمي للغلابة اللي هما أغلبية الشعب.. شريف ونضيف اليد وله شعبية كبيرة والناس بتحترمه.. عنده برنامج واضح عشان يحقق أهداف الثورة "عيش حرية عدالة اجتماعيه وكرامة إنسانيه واستقلال وطني".. عنده مشروع قومي هيجمع كل المصريين".

وأضافت: "وتخيلوا في نفس الوقت المشير عبدالفتاح السيسي يقطع أى لسان ممكن يقول إن 30-6 كان انقلابا وإن الجيش له مطامع سياسية وعايز يحكم البلد ويفضل السيسي عند كلمته وفي مكانته العظيمة جوا قلوب المصريين ويفضل قائد الجيش المصري العظيم وحامي حمى البلد وضهر وأمان للمصريبن لو الرئيس ماحققش برنامجه والشعب ثار ضده".

واستكملت صباحى: "ساعتها بجد مصر تبقى قد الدنيا لما اتنين وطنيين ومحترمين يتعاونوا مع بعض عشان بلدنا تتقدم.. وقتها فعلا الجيش والشعب هيبقوا ايد واحدة.. الجيش تحت قيادة السيسي والشعب تحت قيادة صباحي والاتنين مشاركين في تقدم مصر.. ياريت".