عمرو أديب: لن أترك متطاولا على الجيش وأقول لأمير قطر أبعد عنا عيالك

كتب..شيماء عصام

شن الإعلامى عمرو أديب هجوما عنيفا على الكاتب القطرى "عبد الله العذبة"، بسبب انتقاد الأخير للجيش المصري، وقال أديب متهكمًا: بقول للكاتب القطرى عبد الله العذبة المرى، فكرنى بجيش قطر آخر معاركه الباسلة ايه هي؟"، إحنا جيشنا المصرى مش مرتزقة ولا دافعين غاز أو بترول لحد عشان يحمى بلدنا".

وهاجم أديب خلال برنامجه "القاهرة اليوم"، المذاع على قناة اليوم، الكاتب القطرى قائًلا: "عيش على قدك يا قزم، أنت تعرف مين اللى بيحمى دولة قطر ومش جيشها طبعا، القاعدة الأمريكية اللى فى قطر، مش هى دى الدرع الواقى لقطر، إحنا جيشنا المصرى هو درعنا يا عذبة".

وتابع: "ليه قطر عايزة تنكد علينا؟ أبعدوا عننا وسيبونا فى حالنا، إحنا دولة لها تاريخ يتخاف عليه، لكن أنتم تاريخكم إيه؟".

وأكد الإعلامى عمرو أديب: لن أترك متطاولا على الجيش المصرى وأقول للأمير تميم، أبعد عنا عيالك يا أمير.