سلمى صباحى: لو عايزين ترجعوا رجال مبارك.. رجعوا بقى كل الشهدا

كتب..غاده تامر

علقت سلمى صباحى، على مطالبة بعض الإعلاميين من الحكومة عودة نظام مبارك والحزب الوطنى مرة أخرى للمشاركة السياسية، مؤكدة مطالبتها هى الأخرى منع رجوع أى شخص أفسد مصر مرة أخرى.

وأضافت ابنة "حمدين صباحى" المرشح الرئاسى الخاسر وفق مؤشرات النتائج غير الرسمية، عبر تدوينة لها قائلة: "بيقولوا فى إعلاميين بيطلعوا ع الهوا يطلبوا من الحكومة الجديدة إن مبارك والعادلى والحزب الوطنى وقياداته يرجعوا تانى للحياة السياسية!!".

وتابعت "بما انى إعلامية ومعنديش برنامج دلوقتى -لأن مفيش قناة عندها الحرفية والجرأة تربط اسمها باسم سلمى صباحى (بالرغم إن برنامجى اجتماعى مالوش علاقة بالسياسة)- بطلب هنا من بروفايلى منع رجوع أى حد أفسد مصر واتسبب فى قتل ولادها لا مبارك ولا مرسى ولا تابعيهم".

واستكملت: "ولو عايزين ترجعوهم رجعوا بقى كل الشهدا اللى راحوا من 25 يناير لحد انهارده !! ورجعوا الضى للعيون اللى راحت ،، وبرضو مش هنكون خالصين!!".