عمرو أديب: أى حد هيقول لوحدة يا موزة هياخد 6 شهور

كتب..غاده تامر

طالب الإعلامى عمرو أديب بضرورة الاهتمام بتربية النشء الصاعد فى الفترة المقبلة من أجل مصر مشددا على أن أى جريمة ستحدث فى الفترة المقبلة سيعاقب فاعلها بالشدة والحزم، قائلا "لازم موضوع التحرش وقلة الأدب اللى فى الشوارع متنامش ومنسكتش عليها لازم نفضل نتكلم ونحارب الظاهرة دى وأى حد هيقول لوحدة يا موزة هياخد 6 شهور".

وأضاف أديب عبر برنامج "القاهرة اليوم" المذاع على فضائية "اليوم" أننا لابد أن ننهض فى الفترة المقبلة، ولازم نوصل كأس العالم اللى موصلناش ليه من سنة 90، ومجدى عبد الغنى واكل وشنا"، مضيفاً "عايزين نشوف نحاتين ورسامين عباقرة زى زمان وعايزين أغانى حولة وأفلام هادفة بقالنا سنة مبننتجش أغانى وطنية ويوم ما أنتجنا أغنية وطنية جيبينا مطرب إماراتى يغنيها".

وقال أديب، بأناشد وزير البيئة بغلق أى مصنع يلوث نهر النيل قائلا "لازم يتقفل من بكرة"، مطالبا بتركيب كاميرات فى شوراع كل الشوراع والمحلات والوزارات و كل المناطق الحيوية مثل باقى دول العالم وإنشاء قانون لتركيب كاميرات فى أمام جميع المحلات قائلا "ليه ما نطلعش قانون أن أى محل علشان يفتح لازم يركب كاميرا قدامه الموضوع كله ميكلفش ألف جنيه".