محمود سعد: مش عايز أطلع تانى..أنتوا شايفين الشاشة عاملة إزاى

كتب..ياسر الصريطى

 نشر الإعلامى محمود سعد، مقطع فيديو جديد عبر صفحته الرسمية على فيس بوك، للتواصل مع محبيه حول ابتعاده عن المشهد الإعلامى الفترة الأخيرة، مشيراً إلى تفضيله عدم الظهور على الشاشة حالياً.

وقال محمود سعد، "أنا فى الوضع اللى أنا فيه ده مش مبسوط لكنى مستريح..إنتوا شايفين الشاشة عاملة إزاى و الدنيا عاملة إزاى..أنا مش هاعلق أنا قعدت ليه ورحت فين وجيت منين هذه أمور إنتوا تقدروا تستنتجوها زى ما انتوا عايزين..إنما أنا بكلمكم أنتوا بس إنما أنا مش عايز أطلع فى التلفزيون و مش حابب أطلع فى أى حتة و يمكن بعضكم يفهم إيه المغزى من الكلام لكن أنا مش هتكلم خالص و اللى حصل حصل..أنا عملت تجربة عملت فيها كل المجهود اللى أقدر أعمله و بعدين أنتوا أديتونى حب كبير جدا جدا و أنا بشكركوا..نرجع ممكن..منرجعش احتمال كبير..لكن الدنيا اتطورت و فيه وسيلة دايماً للتواصل حتى و لو بالقلوب حتى لو تفتكرونى و تقولوا الراجل ده يعنى..كان مش بطال.. يعنى كان من ضمن أحسن الوحشين..كويس".