بالفيديو.. أسامة كمال يهاجم المصريين بسبب تغير حالة المناخ

علق الإعلامي أسامة كمال، علي ظاهرة التغيرات المناخية التي شهدتها مصر خلال الساعات الماضية.

وقال "كمال"، خلال تقديمه برنامج "مساء دي ام سي"، المُذاع عبر فضائية "دي ام سي"،: «الناس في مصر مش بيسيبوا حاجه من غير نكتة أو تريقة أو أفشه، ويبعتوها في كل مكان»، مشيرا: «طلعت إمبارح نكتة إن 4 فصول السنة مجتمعين مع بعض وقافشين علي بعض، وكل دا علشان عدي يومين والدنيا حر وبرد وتراب ومطر في نفس الوقت».

وأضاف: «لو دا حال الـ4 فصول إنهم ماسكين في خناق بعض، فالأرصاد بتقول لنا إن المطر هيفضل شغال ليوم السبت وإحتمال يكون فيه سيول، وإنخفاض في درجات الحرارة، والجو يرجع تاني لأصله يوم الأحد».

وأشار: «لو النكتة صدقت فالفصول الـ4 هيفضلوا قافشين علي بعض أسبوع، وبعدين كل واحد يروح لحال سبيله»، متابعا: «ما تيجوا نتعلم منهم ونتخانق مع بعض ونقفش كام يوم وبعدين كل واحد يرجع لحال سبيله، بدل ما إحنا قافشين علي بعض بقالنا سنين ومفيش حد شايف شغله، وباصص في شغل التاني، بقالنا سنين ماسكين في بعض وماسكين لبعض علي الواحدة».