![](https://www.soutalmalaien.com/uploads/1696273235_688722a0201621b77af2.png)
وأضاف خلال كلمته: "دايما المؤتمرات دى بتبقى فعلاً تعطى شحنة ضخمة وعظيمة من الأمل، والإيجابية، فى البداية أوجه لكم جميعاً كل الحضور ومن خلالكم لكل الشعب المصرى، كل التحية والتقدير والاحترام والاعتزاز، وكل ما تحقق من خلال الخمس سنوات اللى فاتوا، واللى مكنش ممكن أبداً، وتكرارى للجملة دى هى عرفان بجميل المصريين، على المصريين، ان كان مقبول أقول عرفان منى باللى انتوا عملتوه وبتعملوه وهتعملوه خلال السنين اللى جايه عشان يبقى فيه أمل كبير ومستقبل كبير لبلدنا ممكن تبقى كده.. مرة تانية كل الاعتزاز والعرفان والتقدير والاحترام والمحبة ليكم يا شعب مصر شعب بلادى".
وتابع الرئيس السيسى: "السيدات والسادة.. أبنائى وبناتى شباب مصر، من أرض عاصمتنا الجديدة وإيمانا بالحلم الذى لم ولن نحيد عن تحقيقه، الحلم بمستقبل واعد لوطننا يليق بشعبه الكريم".
واستطرد: "يقينا بأن الحوار هو أهم السبل نحو الغد الواعد والمستقبل المشرق، وثقة فى شباب أمتنا المتحمس لبناء الوطن، أفتتح المؤتمر الوطنى للشباب فى نسخته السابعة سعيا نحو حوار بناء وجاد نستخلص منه النتائج والتوصيات ونعمل بإخلاص وتجرد من أجل تحقيقها وبكم يا شباب مصر يا شباب بلادى تحيا مصر تحيا مصر تحيا مصر".