بسمة وهبة تكشف سبب انفصال عمرو دياب عن دينا الشربيني

كشفت الإعلامية المصرية بسمة وهبة، السبب وراء انفصال النجم عمرو دياب عن الفنانة دينا الشربيني، وذلك بعدما التقت بالهضبة.

وقالت بسمة في فيديو عبر حسابها الشخصي بموقع تبادل الصور والفيديوهات الشهير "انستجرام":"أنا النهاردة يا جماعة بما إني قابلت النجم الجميل عمرودياب فأنا عرفت هو ودينا الشربيني سابوا بعض ليه، للأسف مضطرة أقولكم إنهم سابوا بعض من نبرّنا يا جماعة".

وتابعت:"عمرو دياب قمر يا جماعة وجميل وبيبي ومتواضع وكل حاجة حلوة فيه، وهي كمان كل حاجة حلوة فيها على فكرة، جبناهم الأرض للأسف، حسد وعينينا ونبرّنا عليهم، وحتى بعد ما سابوا بعض مش سايبينهم في حالهم وبنسخنهم على بعض".

وأضافت:"يا جماعة بجد بالراحة على الناس، لو في 1% احتمال أنهم يرجعوا لبعض مش هيرجعوا، لما أروح أقول لعمرو دياب دينا بتقول عنك كذا وكذا، ونروح نقولها ده هو قصده عليكي في أغانيه، يا جماعة حرام عليكم والله العظيم، يا رب يا جماعة لو كان في خير يصلح لهم حالهم".

واختتمت حديثها قائلة:"الفلوس ممكن تشتري أي حاجة في حياتنا، إلا الحب مالوش ثمن ولا سعر، اللي يلاقي حب في حياته حلو وجميل يمسك فيه وتنازلوا وحاولوا، ونصيحتي من باب الخير وبلاش تستغنوا عن الحب بالسهولة دي".